4 نصايح من ذهب لممارسي الفيتنس
1- التغذية السليمه:
معظم الناس بيقعوا فى المشكلة ديه: الاكل القليل او الاكل الغلط. لتسريع عملية تكبير العضلات ضروري جداً تهتم بالأكل، عشان الجسم يلاقي كمية كافية من السعرات الحرارية يحرقها و يكوّن بيها العضلات. إسال المدرب بتاعك و الدكتور التغذية اللى متابع معاه. عرفهم اهدافكم ونسبة العضل اللى محتاج تزيدها عشان يقدروا يحطولاك برنامج غذائى مناسب.
الجيم - عضلات
2- بتاكل بروتين كفايه؟
من الاسباب اللى بتأثر على بالسلب على زياد ة العضلات فى الجسم هى قلة كمية البروتين اللى بتاكلها. البروتين هو اللى بيبنى العضل، لو مش بتاكل كميات بروتين كفاية، مش حتلاقى النتيجه اللى متوقعها ن التمرين حتى لو بتتمرن جامد. دا مش معناه ان أكلك يكون بروتين بس! دكتور التغذية او المدرب بتاعك يقدر يحسبلك كمية البروتين اللى جسمك محتاجها حسب روتين وبرنامج لتمرين اللى انت ماشى عليه!
3- اتمرن صح!
التمرينات بشكل صحيح هتوفر عليك مجهود ووقت، زيادة وزن الحديد اللي بتشيله مهم جداً طبعاً لكن لازم قبل ما تفكر تشيل وزن اتقل، تتأكد الاول ان بتعلب بتكنيك وبطريقة مظبوطة عشان العضله تستفيد من التمرين. .
4- الراحه الكافيه مهمه:
من المعلومات الغلط المنتشرة جداً انك كل ما اتمرنت اكتر وبشكل متواصل، كل ما لاقيت استفاده اسرع واحسن من التمرين. طبعاً الكلام دا غلط لان العضلات بتكبر وقت الراحه يعنى بالبلدى انت محتاج تريح جسمك بشكل كافى. متتمرنش كل يوم! خصص يومين فى الاسبوع للراحه التامه من التمرين. دا طبعاً زائد النوم الكافى كل يوم.
" نحن أخـوان تـوأم من الجزائــر أصبنا بمـرض إسمـه الفـيـتـنس ومنذ ذاك الوقت ونحن نكرس معضم وقتنا في العمل بهذه المدونة " فخيركم من تعلم علماَ وعلمه
تحويل كودإخفاء محول الأكواد الإبتساماتإخفاء